Të shtëna në Malishevë të Kosovës, ndërrojnë jetë dy vëllezër
Nga OraNews Përditësimi i fundit 6 Nëntor 2025, 13:15
Një vrasje e dyfishtë ka ndodhur sot në fshatin Gullubovc të Malishevës, ku të vdekur kanë mbetur dy vëllëzër të këtij fshati.
Lajmin e ka konfirmuar drejtori rajonal i policisë në Gjakovë, Lumni Graishta.
Graishta tha se vrasësi është dhëndrri i viktimave.
“Sot rreth orës 11:30 ka ndodhur një vrasje e dyfishtë në fshatin Gullbovc të Malishevës. Viktimat janë nga ky fshat dhe janë vëllëzër. I dyshuari është dhëndrri i tyre nga Komuna e Drenasit. Viktimat janë dërguar në mergjencën e Kijevës ku është konstatuar vdekja e tyre”, tha ai.
