FOTO+VIDEO/ Banorët e “Komunës Parisit” denoncojnë zaptimin e trotuarit nga biznesi: Bashkia ka 1 muaj që hesht
Nga OraNews Përditësimi i fundit 4 Nëntor 2025, 11:30
Në redaksinë e lajmeve në “Ora Neës” ka mbërritur një denoncim qytetar ku sërish bëhet fjalë për zaptimin e hapësirës publike dhe aksionin e qeverisë për çlirimin e tyre nga zaptuesit.
Bëhet fjalë për një pretendim të banorëve në zonën e “Komunës Parisit” në Tiranë, të cilët sjellin pamjet dhe pretendojnë se hapësira e tyre publike është zënë nga një biznes privat.
DENONCIMI I PLOTË
Përshëndetje
Jemi banorë të “Komunës Parisit” në Tiranë dhe duam të denoncojmë aksionet selektive të bashkisë për lirimin e hapësirave publike.
“Vila Sofia” ka zënë më shumë se gjysmën e trotuarit dhe asnjë masë nuk merret për lirimin e trotuarit.
I jemi drejtuar me ankesë Policisë Bashkiake në Tiranë, por ka 1 muaj që as përgjigje nuk na kthejnë dhe asnjë masë nuk marrin.
Lutemi, bëjeni publik shqetësimin tonë, që hapësira e përbashkët t’i kthehet qytetarëve dhe ligji të zbatohet njësoj për të gjithë.
