Mot i keq dhe erëra të forta sjellin probleme në Shkodër, rënie pemësh dhe inertesh në disa segmente rrugore
Nga OraNews Përditësimi i fundit 24 Tetor 2025, 10:10
Moti i keq dhe erërat e forta kanë shkaktuar problematika në qarkun e Shkodrës.
Në Bashkinë Shkodër, në rrugën “Martin Camaj” janë shënuar rënie pemësh, të cilat janë pastruar menjëherë nga punonjësit e Shërbimeve Publike.
Ndërsa në Bashkinë Fushë-Arrëz, reshjet me intensitet të lartë kanë shkaktuar rënie inertesh në segmentet rrugore Fushë-Arrëz – Fierzë dhe Fushë-Arrëz – Iballë.
Nga raportimet e deritanishme, në pesë bashkitë e qarkut Shkodër — Shkodër, Malësi e Madhe, Vau Dejës, Pukë dhe Fushë-Arrëz — nuk janë evidentuar situata të tjera emergjente.
