Hapat drejt BE-së, Gjipali: Anëtarësimi do të ndodhë vetëm me përmbushjen e kritereve të kërkuara
Nga Anila Zyberaj Përditësimi i fundit 22 Tetor 2025, 15:51
Kryeministri Edi Rama deklaroi nga Anglia se Shqipëria është dakord për anëtarësimin pa të drejtë vetoje në Bashkimin Europian, për aq kohë sa të reformohet Bashkimi Europian.
Por sa e mundur është kjo?
Gledis Gjipali, drejtues i Lëvizjes Evropiane në Shqipëri në një intervistë për “Ora Neës” u shpreh se nëse do të arrihej kjo, do të përshpejtonte procesin e anëtarësimit jo vetëm Shqipërisë, por edhe vendeve të tjera.
“Kjo nuk e ndryshon rrugën e Shqipërisë dhe atyre vendeve që janë në vendet e para për t’u plotësuar.
Pra, ka një sërë kriteresh që diskutohen gjatë procesit të negociatave dhe duhen realizuar nga Shqipëria dhe vetëm me përmbushjen e tyre mund të kalojmë anëtarësimin dhe heqja e e të drejtës së vetos ndodh pas anëtarësimit.
Nga ky aspekt, Bashkimi Evropian nuk ndryshon asgjë për Shqipërinë apo vendet e tjera”, u shpreh ndër të tjera Gledis Gjipali
NDIQNI INTERVISTËN E PLOTË ME DREJTUESIN E EMA, GLEDIS GJIPALI
