Lamallari pret ambasadorin italian, në fokus Kapitulli 23 i negociatave me BE
Nga OraNews Përditësimi i fundit 17 Tetor 2025, 15:24
Ministri i Drejtësisë Besfort Lamallari priti sot në një takim kortezie ambasadorin e Italisë në Tiranë, Marco Alberti.
Përmes një postimi në rrjetet sociale, Lamallari bëri të ditur se gjatë takimit “theksuam rëndësinë e bashkëpunimit mes dy vendeve tona në fushën e shtetit të së drejtës.
Gjithashtu, nënvizoi Lamallari, ata shprehën “vullnetin dhe angazhimin për ta thelluar bashkëpunimin dhe mbështetjen e Shqipërisë në procesin e negociatave mbi Kapitullin 23 “Gjyqësori dhe të Drejtat Themelore” si dhe nismave të Ministrisë së Drejtësisë sipas vizionit të qeverisë Shqipëria 2030”.
