“Përdorët gjuhë fyese”- Kryetari i Kuvendit i heq të drejtën e fjalës deputetit Flamur Noka
Nga OraNews Përditësimi i fundit 9 Tetor 2025, 11:47
Kryetari i Kuvendit, Niko Peleshi i ka hequr të drejtën e fjalës deputetit të PD-së, Flamur Noka. Vendimi u mor për shkak se demokrati shkoi drejt foltores gjatë fjalës së ministres së Brendshme, Albana Koçiu, ku i kërkuan dorëheqjen për vrasjen e gjyqtarit Astrit Kalaja.
“Duhet t’ju vijë turp”, iu drejtua Noka ministres së Brendshme, teksa kjo e fundit iu kthye: “Nuk më intimidon duke më drejtuar gishtin. Jam një grua në detyrë, mos e politizo situatën. Trup të kesh ti nga mëngjesi deri në darkë”.
Ndërsa kryeparlamentari pasi i dha masën disiplonore të vërejtjes, i hoqi të drejtën e fjalës. “Zoti Noka vërejtje sipas rregullores. Duke qenë se morët një tërheqje vëmendje dhe një vërejtje dhe përdorët fjalë fyese që cënojnë drejtuesin e seancës, ju heq të drejtën e fjalës për ditën e sotme”, tha Peleshi.
