EMRI/ Aksident në aksin Qafë Mali-Fierzë, makina del nga rruga dhe përfundon 300 metra në humnerë. Një viktimë
Nga OraNews Përditësimi i fundit 9 Tetor 2025, 00:27
Një aksident i rëndë automobilistik është regjistruar mbrëmjen e kësaj të mërkure në segmentin rrugor Qafë Mali – Fierzë, pranë zonës së njohur si “Shkëmbi i Dardhës”.
Nga informacionet paraprake mësohet se një automjet ka dalë nga rruga dhe ka përfunduar rreth 300 metra poshtë në një humnerë.
Ngjarja ka ndodhur te shkëmbi i Dardhës, mësohet se drejtuesi i automjetit, Prendush Kola, ka ndërruar jetë.
Në vendin e ngjarjes kanë mbërritur forcat zjarrfikëse, policia dhe autoambulanca, të cilët po punojnë për shpëtimin e drejtuesit të mjetit.
Mjeti është lokalizuar nga zjarrfikësit dhe banorë të zonës, të cilët kanë qenë ndër të parët që kanë reaguar.
Burime nga terreni bëjnë me dije se drejtuesi i automjetit ndodhet ende gjallë dhe paraqet shenja jete, por nxjerrja e tij po vështirësohet për shkak të terrenit të thyer dhe errësirës.
Operacioni i shpëtimit vijon ende në kushte të vështira, ndërsa autoritetet po hetojnë për rrethanat e aksidentit.
