“Anëtarësimi në BE, mision historik”/ Samiti i Brdo-Brijunit, Begaj: Shqipëria ka bërë hapa përpara drejt integrimit
Nga OraNews Përditësimi i fundit 6 Tetor 2025, 13:26
Një mision historik për Shqipërinë e ka cilësuar presidenti Bajram Begaj anëtarësimin e vendit në Bashkimin Evropian.
Në konferencën për mediat pas mbajtjes së samitit të Brdo-Brijunit në Durrës, Begaj u shpreh se Shqipëria ka bërë hapa përpara drejt integrimit.
Ndër të tjera, Begaj shtoi se në samit u diskutua edhe për bashkëpunimin rajonal.
“Plani i rritjes i BE përbën element të çmuar për rritjen ekonomike. Diskutuam për rrugët e bashkëpunimit rajonal. Vlerësoj takimin e drejtorëve të agjencive kombëtare të punësimit. Shqipëria ka bërë përparim drejt BE, brenda një kohe të shkurtër, kemi hapur 5 nga 6 kapitujt negociues. Aspirata e Shqipërisë për t’u anëtarësuar në BE, është një mision kombëtar. Anëtarësimi në BE mbështetet nga shqiptarët. Shqipëria synon të përfundojë negociata teknike deri në fund të vitit 2027 dhe të bëhet anëyatre deri në fund të vitit 2030.”, theksoi ai.
