DILEMAT E FLICK! Ekipi blaugranas në një moment vendimtar! Rikthehen përballjet për kampionatin dhe Champions-in
Nga Anila Zyberaj Përditësimi i fundit 8 Shtator 2025, 13:39
Trajneri i Barcelonës Hansi Flick po qartëson pozicionet e lojtarëve në prag të rikthimit të ekipit në kampionat dhe Champions Leage. Qendër-mbrotja mbetet e pastabilizuar, dhe sipas medieve spanjolle tekniku gjerman ende nuk e ka gjetur dyshen perfekte.
Me përfundimin e angazhimeve të lojtarëve në kombëtaret e tyre, trajneri gjerman Hansi Flik më në fund ka pothaujse të gjithë ekipin e tij në dispozicion.
Duke nisur nga kjo e hënë, Barcelona nis përgatitjet për një seri prej 7 ndeshjesh të rëndësishme për kampionatin dhe Championsi-n.
Në konferencën e fundit për shtyp, trajneri Flik ja bëri të qartë skuadrës që nuk kanë arritur në nivelet e duhura. Si dhe vuri në dukje se egoja mund ta rrezikojë skuadrën.
"Pres me padurim që të mbarojë tregu i transferimeve; nuk dua ego. Egot vrasin suksesin. Vitin e kaluar ishim një ekip dhe duhet të vazhdojmë të jemi të tillë", u shpreh ai.
Tre ndeshjet e para të ligës, sidomos ajo kundër Rayo Vallecano, nuk e lanë aspak të kënaqur trajnerin. Ndaj, ai iu kërkoi lojtarëve të tregojnë seriozitet në fushë, që të arrijnë ritmin e sezonit të shkuar.
Ndërkohë, trajneri evidentoi edhe disa problem të tjera si mungesa e saktësisë në pasime, ndërsa është ende i paqartë me dyshen qendër-mbrojtjes. Rastet Araujo-Cubarsí apo Eric-Christensen ne ndeshjet e fundit nuk ofruan stabilitetin e nevojshëm.
Ndeshja e parë për Barcelonën për kampionatin rikthehet më 14 shtator, ndërsa më 18 zhvillohet përballja me New Castle e vlefshme për Ligën e Kampionëve.
Mediet spanjolle raportojnë se lojtarët si Christensen, Araujo, Raphinha, Koundé dhe Rashford do të mungojnë në fushën e lojës, për shkak të dëmtimeve.
