Akturkoglu në Stamboll: E doja shumë transferimin. Më mirë vonë sesa kurrë...
Nga OraNews Përditësimi i fundit 1 Shtator 2025, 18:06
Kerem Akturkoglu zbarkoi në Stamboll këtë të diel për të përforcuar Fenerbahçen dhe me t'u kthyer në vendin e tij të lindjes, ai tregoi entuziazëm për sfidën e re, pasi u largua nga Benfica.
"E doja shumë transferimin. Erdha te Fenerbahçe për të fituar kampionatin. Do të bëj gjithçka që është në fuqinë time për t'ua dhënë kampionatin tifozëve tanë", tha anësori turk për mediat lokale.
"Ishte një proces i vështirë, por presidenti ynë Ali Koç dhe drejtori ynë Hakan Safi ishin me mua gjatë gjithë këtij procesi të vështirë. Ata e bënë të mundur këtë transferim. Edhe unë e dëshiroja shumë," vazhdoi ai.
Ai shtoi: "Ne bëmë një përpjekje të madhe që kjo të ndodhte sa më shpejt të ishte e mundur, në mënyrë që të mund të bashkohesha me ekipin dhe të dilja në fushë me shokët e mi të ekipit.
Më mirë vonë sesa kurrë (...) Erdha në klubin më të madh dhe më të nderuar në Turqi. Do të jap gjithçka për Fenerbahçen. Shpresoj që gjithçka të përfundojë me fitimin e kampionatit."
