Gazment Bardhi: Task-Forca për zgjedhjet, inekzistente
Nga Isa Myzyraj Përditësimi i fundit 31 Korrik 2025, 14:33
Përplasja mes Partisë Demokratike dhe SPAK u ashpërsua pas deklaratave të kreut të strukturës Altin Dumani se task-forca parandaloi krimet zgjedhore.
Sali Berisha e akuzoi drejtpërdrejt Dumanin për përfshirje në manipulimet elektorale, ndërsa Gazment Bardhi e quajti Task-Forcen "alibi të Ramës".
Deklaratave të kreut të SPAK, Altin Dumani se hetimet e task-forcës parandaluan krimet zgjedhore, I janë përgjigjur drejtuesit e partisë demokratike.
Sali Berisha e akuzoi drejtëpërdrejtë se është i përfshirë në krime zhjedhore.
Edhe kreu i Grupit Parlamentar të PD-së Gazment Bardhi përmes një postimi në rrjetet sociale akuzon se SPAK nuk bëri punën e tij për të hetuar krimet zgjedhore.
''Si Drejtues Politik i qarkut Fier deklaroj me përgjegjësi të plotë që jo vetëm nuk jemi thirrur kurrë për kallëzimet tona, por SPAK ka qenë tërësisht inekzistent edhe pse qarku Fier, si qarku i dytë më i madh i vendit, ishte një skenë krimi elektoral çdo minutë.
E kam thënë dhe e përsëris: Task Forca e SPAK ishte alibia perfekte e Edi Ramës për të realizuar skenarin e njohur edhe në raportin paraprak nga OSBE-ODIHR të shkrirjes së “partisë, shtetit dhe krimit” në një të vetme në zgjedhje!
Shndërrimi i SPAK nga shpresë në alibi është lajmi më i keq që shqiptarët morën në zgjedhjet e 2025!
Në një takim informal me gazetarët kreu i prokurorisë special tha se strategjia për zgjedhjet ka pasur efekt parandalues.
Lidhur me statistikat dhe të dhënat Dumani tha se nga 193 materiale të administruara, 35 janë nga policia e shtetit dhe 80 nga qytetarët.
