Arabia Saudite, blerësi kryesor i naftës ruse në qershor për shkak të kërkesës së lartë verore
Nga OraNews Përditësimi i fundit 23 Korrik 2025, 13:24
Arabia Saudite u rendit si destinacioni kryesor për eksportet e naftës ruse të transportuar me det dhe për naftën e vakumit (VGO) gjatë muajit qershor, si pasojë e rritjes së kërkesës për energji gjatë sezonit të nxehtë veror.
Të dhënat e LSEG dhe burime nga tregtarët tregojnë se rritja e konsumit të brendshëm energjetik në mbretëri ndikoi në këtë orientim të importit.
Që prej hyrjes në fuqi të embargos së plotë të Bashkimit Evropian ndaj produkteve të naftës ruse në shkurt të vitit 2023, vendet e Lindjes së Mesme dhe Azisë janë bërë tregjet kryesore për furnizimet e Rusisë.
Ky zhvendosje ka riformësuar rrugët globale të tregtisë së energjisë dhe ka rritur bashkëpunimin energjetik mes Moskës dhe disa prej fuqive të mëdha energjetike jashtë BE-së.
Eksportet e tilla po luajnë një rol kyç në mbështetjen e të ardhurave të Rusisë, ndërkohë që ekonomia e saj vazhdon të përballet me sanksione perëndimore.
Në të njëjtën kohë, Arabia Saudite po përfiton nga çmimet e favorshme dhe disponueshmëria e lëndëve të para për të mbuluar nevojat e brendshme gjatë pikut të konsumit veror.
