Gisele Pelicot vlerësohet me nderimin më të lartë qytetar të Francës, Macron: Dinjiteti dhe guximi i saj kanë frymëzuar botën
Nga OraNews Përditësimi i fundit 13 Korrik 2025, 16:55
FRANCË- Gisele Pelicot, gruaja franceze që fitoi njohje ndërkombëtare pasi dëshmoi publikisht në gjyqin e saj për përdhunim masiv vitin e kaluar, i është dhënë nderi më i lartë i Francës.
72-vjeçarja është emëruar kalorëse e Legjionit të Nderit në një listë të shpallur përpara Ditës së Bastijës në Francë.
Pelicot ishte midis 589 personave të tjerë që morën çmimin më të lartë të Francës të dielën.
Ajo hoqi dorë nga e drejta e saj e anonimitetit gjatë gjyqit të profilit të lartë kundër bashkëshortit të saj, i cili e kishte droguar dhe përdhunuar, dhe kishte ftuar dhjetëra të huaj që ta abuzonin edhe atë për gati një dekadë, shkruan BBC.
Gisele mori pjesë pothuajse çdo ditë të gjyqit, i cili përfundoi dhjetorin e kaluar me Dominique Pelicot, 72 vjeç, të dënuar me 20 vjet burg për përdhunim, pasi rrëfeu se e kishte droguar dhe kishte rekrutuar rreth 50 burra për ta përdhunuar ndërsa ajo ishte në gjendje kome në shtrat.
"Dua që të gjitha gratë që janë përdhunuar të thonë: Zonja Pelicot e bëri, edhe unë mundem", u tha më parë Pelicot gazetarëve, duke shtuar se donte që "turpi të kalonte" nga viktima te përdhunuesi.
Presidenti francez Emmanuel Macron i ka bërë publikisht nderime Pelicot si një pioniere, duke shtuar se "dinjiteti dhe guximi i saj e kanë lëvizur dhe frymëzuar Francën dhe botën".
Sipas avokatit të saj, një libër-kujtim që përshkruan historinë e Gisèle Pelicot me fjalët e saj do të botohet në fillim të vitit të ardhshëm.
