Britania nënshkruan sot marrëveshje për dërgimin e mbi 5.000 raketave në Ukrainë
Nga OraNews Përditësimi i fundit 10 Korrik 2025, 16:57
Zëvendëskryeministrja e qeverisë britanike, Angela Rayner, do të nënshkruajë sot një marrëveshje për furnizimin e Ukrainës me më shumë se 5 000 raketa për sistemet e mbrojtjes kundërraketore që prodhohen në një fabrikë të kompanisë Thales, një marrëveshje që ishte shpallur nga Londra disa muaj më parë.
Rayner pritet të nënshkruajë marrëveshjen në Romë, ku po zhvillohet Konferenca për Rindërtimin e Ukrainës.
Marrëveshja u shpall për herë të parë nga kryeministri Keir Starmer më 2 mars.
Qeveria britanike konfirmoi gjithashtu se do të ofrojë deri në 283 milionë paund ndihmë për Ukrainën deri në vitin 2026.
