Bisedimet midis Izraelit dhe Hamasit për paqen në Gaza, janë duke vijuar në Katar
Nga OraNews Përditësimi i fundit 10 Korrik 2025, 16:41
Bisedimet indirekte për një armëpushim në Gaza mes organizatës islamiste palestineze Hamas dhe Izraelit vazhdojnë në Katar për të pestën ditë radhazi, deklaroi një zyrtar sot, ditën e sotme për Agjencinë Franceze të Lajmeve (AFP).
“Hamasi dhe Izraeli vazhdojnë të ndodhen në Katar,” tha zyrtari, i cili dëshiroi të mbetej anonim për shkak të ndjeshmërisë së çështjes, duke sqaruar se të dy palët po vazhdojnë bisedimet përmes ndërmjetësuesve.
Një raund i ri negociatash filloi të dielën në kryeqytetin e Katarit, pas më shumë se 21 muajsh lufte në Gaza, me shpresën për të arritur një marrëveshje bazuar në një propozim të mbështetur nga SHBA-së, i cili parashikon një armëpushim fillestar prej 60 ditësh.
Ndërmjetësuesit “shkojnë e vijnë mes dy kampeve për të shkëmbyer ide, për të kapërcyer dallimet e fundit dhe për të ruajtur dinamikën drejt një marrëveshjeje”, shtoi e njëjta burim.
