KUSH IKU E KUSH MBETI? 7 në garë për BKH! SPAK skualifikon 6 emra, vijojnë testet për konkurrentët

Nga OraNews Përditësimi i fundit 26 Qershor 2025, 15:40

Në garën për drejtues të BKH-së kanë mbetur 7 kandidatë. SPAK bëri të ditur skualifikimin e parë me argumentin e mungesës së dokumenteve. Tashmë konkurrentët do t’i nënshtrohen testeve që do të përfundojnë me atë të poligrafit, të njohur si prova e së vërtetës

SPAK ka skualifikuar nga gara për t'u bërë drejtues të byrosë kombëtare të hetimit 6 kandidatë.

Shkak është mungesa e dokumentacioneve të kërkuara prej hapjes së konkurrimit prej komisionit të ngritur në Prokurorinë e Posaçme.

KUSH IKU E KUSH MBETI? 7 në garë për BKH! SPAK skualifikon 6

TË SKUALIFIKUAR

Astrit Halilaj

Haki Çako

Maoricio Sheldija

Marinela Pilinçi

Miklovan Kanani

Nevrus Ndregjoni

Janë shtatë emra që do të vijojnë në fazën e radhës prej tyre një vjen nga radhës e prokurorëve, dy janë oficerë të policisë gjyqësore pranë SPAK dhe katër vijnë nga radhët e policisë

VAZHDOJNË GARËN

Andi Pogaçe

Artur Beu

Elton Kërluku

Gentian Ndoi

Gentjan Shehaj

Gledis Nano

Joni Keta

Pas kësaj përzgjedhje kandidatët do t’i nënshtrohen testit të arsyetimit logjik,gjendjes shëndetësore, testit fizik dhe një test me shkrim.

Më tej procesi do të vijojë me intervistën e drejtpërdrejtë, ndërsa ata që do të kalojnë këto faza do të kenë dhe një verifikim të pasurisë por dhe të figurës dhe të lidhjeve që mund të kenë.

Në përfundim konkurrentët do t’i nënshtrohen testit të poligrafit apo dhe siç njihet testit të së vërtetës.

Vetëm pas kësaj procedure tre anëtarët e komisionit të posaçëm, Altin Dumani, Arben Kraja dhe Behar Dibra do të bëjnë pikëzimin e kandidatëve për t’ia kaluar më pas listën Këshillit të lartë të prokurorisë.

Do të jetë e ashtuquajtura qeveria e prokurorëve që do të bëtë i ditur emri që do të zëvendësojë Aida Hajnaj që është kreu i parë i BKH në Shqipëri dhe që mandate do t’i përfundojë në muajin gusht. Mandate fituesit do të jetë 5 vjeçar.