Matías Vecino rinovon me Lazion, kontratë deri në vitin 2026 me opsion...
Nga OraNews Përditësimi i fundit 19 Qershor 2025, 14:57
Lazio ka zyrtarizuar rinovimin e kontratës me mesfushorin uruguaian Matías Vecino, i cili do të vazhdojë të mbajë veshur fanellën bardhekaltër të paktën deri më 30 qershor 2026, me një opsion për zgjatje edhe një vit tjetër, deri në verën e 2027-ës.
Në deklaratën zyrtare, klubi kryeqytetas thekson rëndësinë që ka pasur Vecino për skuadrën në këto tri vite:
“Mesfushor i kompletuar dhe i besueshëm, Vecino i ka ofruar ekipit ekuilibër taktik, intensitet dhe ndjesi të saktë pozicionimi, duke qenë vendimtar në momente të shumta gjatë sezonit. Me 114 paraqitje dhe 13 gola në tri sezone, ai është dalluar për profesionalizëm dhe shpirt sakrifice.”
Lazio e sheh rinovimin si një akt vazhdimësie teknike, por edhe si vlerësim të përvojës dhe liderizmit që Vecino sjell në dhomat e zhveshjes.
