Trajkovski i jep fitoren Maqedonisë së Veriut në Kazakistan
Nga OraNews Përditësimi i fundit 9 Qershor 2025, 18:40
Maqedonia e Veriut mori një fitore të rëndësishme në transfertë ndaj Kazakistanit me rezultatin 1-0, duke u ngjitur përkohësisht në krye të Grupit J në kualifikueset e Botërorit 2026.
Goli i vetëm i ndeshjes u shënua në minutën e 33-të nga Aleksandar Trajkovski, që u rikthye në formacion dhe e shpërbleu besimin e trajnerit Milevski me një goditje të pakapshme.
“Lynx-ët” e nisën më mirë takimin në “Astana Arena”, me Ezgjan Alioskin dhe Eljif Elmasin që rrezikuan seriozisht portën vendase, por portieri Seysen ishte në formë.
Edhe pse Kazakistani goditi shtyllën dy herë, përmes Kenzhebekut dhe Samorodovit, nuk arriti të gjente rrjetën, falë edhe pritjeve të sigurta të Stole Dimitrievskit.
Në pjesën e dytë, ritmi ra, por presioni i Kazakistanit u intensifikua. Bardhi tentoi të qetësonte ndeshjen për miqtë me një tjetër gjuajtje të rrezikshme, por rezultati mbeti i pandryshuar deri në fund.
Me këtë fitore, Maqedonia mbetet e pamposhtur në grup (2 fitore, 2 barazime) dhe shkon në pushimin e verës me 8 pikë, përpara se të vijojë garën në shtator.
Ndërkohë, Kazakistani mbetet në vendin e tretë me vetëm 3 pikë dhe shumë për të përmirësuar.
Heroi i takimit u shpall Aleksandar Trajkovski, autori i golit të fitores.
