Euro U-17 për vajza/ Shqipëria mbyll përgatitjet, nesër luan ndeshjen e parë kundër Izraelit

Nga OraNews Përditësimi i fundit 3 Mars 2025, 16:25

Kombëtarja e vajzave U-17 është gati për ndeshjen e parë kundër Izraelit, e vlefshme për raundin e dytë të Kampionatit Europian 2025 për këtë grupmoshë.

Përfaqësuesja e drejtuar nga trajnerja Cyme Lulaj është grumbulluar prej të dielës në Andorra, aty ku do të zhvillohen edhe ndeshjet e këtij raundi.

Skuadra i dha fund sot përgatitjeve dhe grupi gëzon formë të mirë fizike.

Ndeshja e parë kundër Izraelit do të luhet nesër në “Centre d’Entrenament FAF Santa Coloma” në ora 11:00.