"Na krenohesh se takove mbretin e Spanjës"/ Rama i përgjigjet komentuesit: Shqipëria u zgjodh për Kongresin Botëror, na vlerësuan për reformën në drejtësi...
Nga OraNews Përditësimi i fundit 8 Shkurt 2025, 13:10
Kryeministri Edi Rama ka sqaruar zërat lidhur me vizitën në Madrid dhe pritjen nga Mbreti Filipe VI. Përmes një video selfie, ai ka thënë se nuk i ra rruga nga shtëpia e Mbretit, por Shqipëria u zgjodh për Kongresin Botëror të Ligjit.
Sipas Ramës, e përzgjodhën pasi vlerësuan punën që është bërë për Reformën në Drejtësi dhe ëlirimin e gjyqësorit nga politika pas 100 e kusur vitesh.
Fjala e kryeministrit Rama:
Dakord më dakord për të gjetur bishta jemi të vetmit ne. Interesantja këtu është se për herë të parë, Mbreti i Spanjës pret kryeministrin e Shqipërisë, jo se e kishte për detyrë apo o se me ra rruga nga shtëpia e tij.
Por sepse u zgjodhëm mes vendeve prestigjoze të organizojmë Kongresin Botëror të Ligjit. Kryetar nderi është Mbreti i Spanjës. Vlerësuan çfarë kemi bërë me Reformën në Drejtësi. Çlirimin e gjyqësorit nga politika pas 100 e kusur vitesh.
Kush pret që drejtësia të funksionojë si sahat, dhe mos bëjë gabime, arsyeton nxitimthi. Një shtëpi pa leje ndërton robi, u duhet 2-3 vite. Është shtet. Drejtësi e re, ku për 100 vite e ca ska patur drejtësi. Do kohën e vet. Rëndësi ka progresi.
Anëtarësimi në BE ka rëndësi, sepse do i vendoset vula pakthyeshmërisë së këtij procesi.
Ajo që ka ndodhur me pavarësinë e drejtësisë në 10 vite, nga komisioni tek miratimi në 2016, spastrimi i sistemit tek më të korruptuarit, vetting, goditjet majtas edjathtas, në vite te fundit, nuk ndodhi në 100 e kusur vite. Asnjë person i lidhur me pushtetin nuk u hetua, u gjykua, nga një drejtësi e pavarur. Ky është fakti. Kush e udhëhoqi, kush e garanton, shumica sot dhe e nesërme, unë dhe PS. E votoni apo jo, e doni apo jo, PS, jepini hakun. Të tjerët duan ti hedhin lakun, ai i oxhakut të PD, dhe mangallët e rinj, që janë të njëjtët në një barrikadë përfshirë edhe kundër Reformës në Drejtësi, pavarësisht çfarë thonë.
