Berisha: Shtrëngim i përzemërt duarsh me Kancelarin e ardhshëm të Gjermanisë, njeriun më të fuqishëm të Europës
Nga OraNews Përditësimi i fundit 3 Shkurt 2025, 16:19
Kryetari demokrat, Sali Berisha po merr pjesë në kongresin e partisë më të madhe gjermane, CDU. Berisha është ftuar në kongresin e partisë së djathtë si përfaqësues i opozitës shqiptare.
Në këtë kongres, Berisha ka shtrënguar duart edhe me Kancelarin e ardhshëm të Gjermanisë, njeriun më të fuqishëm të Europës, siç e quan ai Friedrich Merz.
Berisha solli në vëmendje edhe takimin me ish-kancelarin e famshëm gjerman, Helmut Kohl , me të cilin ishte takimi i parë në Bon, 34 vite më parë, dhe sot e cilëson si një ogur të bardhë për fitoren e opozitës ngjitjen në pushtet të Merz, i cili në të gjitha sondazhet e fundit rezulton fitues i zgjedhjeve që do të mbahen në Gjermani.
"Sot në Berlin, në Kongresin e 37-të të CDU. Kongresin e Fitores. Një shtrëngim i përzemërt duarsh me Kancelarin e ardhshëm të Gjermanisë, njeriun më të fuqishëm të Europës, Friedrich Merz. 34 vite më parë, Kancelari Helmut Kohl do ishte Kryeministri i parë që do të takoja ne Bon! Ogur i bardhë për fitoren e opozitës!"
