Durrësi nën ujë/ Kuçana: Ngjarje e përsëritur. Durrësi i Ri, zonë e lënë në harresë se ka votuar djathtas
Nga Sonila Musai Përditësimi i fundit 31 Janar 2025, 16:43
E deleguara politike e PD në Durrës, Iliriana Kuçana në një intervistë në Ora News u shpreh se përmbytjet që kanë ndodhur në Durrës janë një rast i përsëritur dhe se zona e Durrësit të Ri është një zonë e lënë në harresë dhe e diskriminuar pasi ka votuar djathtas.
Kuçana: Ajo çfarë ka ndodhur në Durrës është një ngjarje e përsëritur.
Një ngjarje e paralajmëruar.
Durrësi vazhdon sot të jetë edhe pas 48 orëve vazhdon të jetë i përmbytur.
Problemi i kanalizimeve, mosfunksionimi i hidrovoreve, i gjithë Durrësi ka qenë i mbulur me ujë.
Gjendja që është tek qytetarët është një ngjarje alarmante.
E shikoni sesi ndodhet Durrësi i ri i 2025-ës.
Pra ky është Durrësi i ri që Rilindja vazhdon me propagandën.
Kemi qenë prezentë tek familjarët.
Në Durrësin e ri unë patjetër jam pjesë prej disa fushatash.
Është fushata ime e katërt, sepse fushata ime e parë ka qenë në 2021.
Durrësi i Ri është i përbërë kryesisht nga të ardhurit prandaj quhet Durrësi i Ri.
Është një zonë e diskriminuar, një zonë e lënë në harresë.
Pikërisht sepse kjo zonë ka votuar djathtas dhe ky është ndëshkimi që Rilindja i ka dhënë kësaj zone.
