Po transportonte 10 kilogramë kanabis, arrestohet në flagrancë një person te mbikalimi i Shkozës
Nga OraNews Përditësimi i fundit 15 Janar 2025, 17:41
Drejtori i Policisë Tiranë, Elton Alushi, mbajti një konferencë për shtyp këtë të martë, lidhur me vrasjen e 81-vjeçarit Xhemal Meta, gjatë të cilës bëri me dije arrestimin në flagrancë të një personi që është kapur me 10 kilogramë kanabis në mbikalimin e Shkozës.
Alushi sqaroi se sasia e kanabisit ishte e destinuar për shitje.
“Policia ka goditur një rast të shitjes së kanabis sativës, në mbikalimin e shkozës policia i ka gjetur një personi një sasi prej 10 kilogram kanabis sativa që po e transportohej me qëllim shitjen dhe u arrestua personi”,- tha Alushi.
