Rita Ora ndez skenën e “Gastonbury Festival 2013"
Nga OraNews Përditësimi i fundit 29 Qershor 2013, 11:48
Ishte hera e parë që shfaqte talentin e saj në skenën legjendare të “Glastonbury”-t, kështu që Rita Ora bëri një performancë të shkëlqyer që do të kujtohet gjatë.
Ishte pikërisht ky rasti, teksa ajo doli disi “e egër” në skenën “Pyramid”, mbrëmjen e së premtes. Këngëtares i shkëlqente së tepërmi lëkura, duke qenë se kishte veshur një fustan të kuq të shndrritshëm për këtë ngjarje.
Sigurisht, ajo nuk u duk aspak e turpshme, kur nxorri fundshpinën e saj para turmës së madhe, falë të çarës që kishte fustani i saj, kur u kthye me shpinë nga publiku.
Rita dha gjithçka nga ana e saj, me flokët e zbardhur të gjata e të lëshuara, teksa shpërthente me mikrofonin.
