Shisnin lëndë piroteknike/ Krujë, procedohen në gjendje të lirë dy persona
Nga OraNews Përditësimi i fundit 30 Dhjetor 2024, 13:35
Dy persona janë proceduar në gjendje të lirë në Krujë.
Ata shisnin fishekzjarrë dhe kapsolla në dyqanet e tyre.
Në cilësinë e provës materiale u sekuestruan dhjetëra fishekzjarrë dhe kapsolla që u gjetën në këto 2 dyqane.
Njoftimi i policisë:
Krujë
Si rezultat i kontrolleve të shtuara në zbatim të planit të masave për garantimin e rendit dhe sigurisë gjatë periudhës së festave, goditen 2 raste të shitjes së lëndëve piroteknike.
Procedohen penalisht 2 shtetasit që shitnin fishekzjarrë dhe kapsolla në dyqanet e tyre.
Shërbimet e Komisariatit të Policisë Krujë, nga kontrollet e përditshme në terren, kanë konstatuar 2 dyqane ku shiteshin lëndë piroteknike.
Në vijim të veprimeve për këto raste, u referuan materialet në Prokurori, ku nisi procedimi në gjendje të lirë për shtetasit:
A. Sh., 56 vjeç dhe E. Gj., 25 vjeç, të dy banues në Krujë.
Në cilësinë e provës materiale u sekuestruan dhjetëra fishekzjarrë dhe kapsolla që u gjetën në këto 2 dyqane.
Materialet procedurale i kaluan Prokurorisë, për veprime të mëtejshme.
Në zbatim të planit të masave, shërbimet e Policisë do të jenë në gatishmëri të përforcuar, për të garantuar rendin dhe sigurinë gjatë ditëve festive.
Policia apelon për qytetarët që të denoncojnë rastet e tregtimit apo përdorimit të kundërligjshëm të lëndëve piroteknike, duke iu garantuar reagim të menjëhershëm për ndëshkimin e shtetasve përgjegjës.
