"Bandat kanë në dorë përgjimet e Sky"/ Llangozi: Luftë inteligjente mes grupeve rivale, krim i organizuar – SPAK
Nga OraNews Përditësimi i fundit 30 Dhjetor 2024, 10:20
Avokati, Arben Llangozi ka hedhur dyshime nëse përgjimet e Sky Ecc, po hetohen siç duhet nga Prokuroria e Posaçme.
I ftuar në Kafe Shqeto përmes një lidhje me skype, Llangozi tha se është dyshuese fakti se vetëm 4 prokurorë të SPAK kanë akses në të dosjet voluminoze të Sky Ecc, ndërsa hetuesit e tjerë të këtij institucioni nuk kanë.
Sipas avokatit Llangozi, është koha që hetimet të përfshihen në një rraf më të gjërë dudke u shtrirë edhe në prokuroritë me juridiksion të përgjithshëm.
Për Llangozin, 5 vite janë shumë për t’u hetuar këto përgjime, kur aty janë të eksponentë të lartë të krimit të organizuar dhe politikanë, përfshirë dhe kryeministrin Edi Rama.
Avokati Llangozi thotë se 2025 do të jetë një vit i nxehtë sa i përket rivalitetit mes SPAK dhe grupeve kriminale për këto përgjime, pasi ato kanë rënë edhe në dorën e bandave.
Arben Llangozi: "Organet e drejtësisë po e fshehin 'thesarin', përderisa një shtetas merr statusin e prokurorit dhe me këtë vetting-un e famshëm, mendoj se jemi para një prokurori të besueshëm dhe këto përgjimet që kanë ardhur nga jashtë, të mos u jepen prokurorëve të ndryshëm.
Ajo që kam marrë vesh në SPAK, është se janë një numër i caktuar prokurorësh që kanë akses në këto përgjime, për të pasur akses në këtë lloj informacionesh, janë vetëm 4-5 prokurorë. Kam dyshime nëse do të ketë transparencë, se do të bëhen hetime të rëndësishme. Çfarë fshehin këto 5 prokurorë në këto përgjime, do iu dalë jashtë kontrollit situata dhe do ta bëjë drejtësinë tonë jo të aftë, ku del edhe kryeministri jonë.
A munden 5 prokurorë të kontrollojnë këto përgjime? Sigurisht që jo. Do kemi selektim në këto përgjime, por edhe një mungesë transparence. Të gjitha prokuroritë e rretheve duhet të kenë akses në këto përgjime dhe të kryejnë hetime të pavarura. S’ka vetëm vepra penale, subjekt i SPAK, por edhe Prokuroritë e Rretheve mund t’i hetojnë. Atëherëe pse këto 5 prokurorë të SPAK bëhen pengesë për prokuroritë e rretheve në hetimet e tjera. Të hetohet ky aplikacion nga prokuroritë e tjera.
Po bëhen 5 vite që merren me këto përgjime, edhe sa do të shtyjnë më tej. Kam informacione se këto përgjime kanë dalë nga dera e SPAK, ose janë shitur, ose u janë bërë favor personave të tjerë. 2025 do të jetë një luftë e madhe mes SPAK dhe krimit të organizuar, ato përgjime që krimi i organizuar ka në dorë, do t’i publikojnë. Aty ka dalë Taulant Balla. Po na dalin bandat kriminale më të ndershme se prokuroria. Të hetohen edhe aktorët politikë, të cilët kanë qenë mbështetës të grupeve kriminale. Dosja Çyrbja, çfarë fsheh kjo dosje, a është përfshirë kryeministri? Sigurisht që po. Ka arritur një luftë e ashpër, luftë inteligjente mes grupeve rivale, krim i organizuar-SPAK. S’mund të dalë i pastër Taulant Balla e persona të tjerë që janë të implikuar në trafikun e drogës".
