8 dhjetori/ Meta mesazh nga burgu: Besoj se të rinjtë e Shqipërisë do marrin në dorë fatet e vendit
Nga OraNews Përditësimi i fundit 8 Dhjetor 2024, 11:27
Presidenti i PL-së, Ilir Meta ka uruar nga burgu 8 dhjetorin ditën kombëtare të Rinisë.
Postimi i Metës:
Gëzuar 8 Dhjetorin, Ditën Kombëtare të Rinisë!
Mirënjohje të veçantë ndaj Lidershipit Heroik të Azem Hajdarit, të gjithë djemve dhe vajzave, që 34 vite më parë, duke vrarë frikën i prinë me guxim, kurajë e patriotizëm Lëvizjes Studentore që e futi Shqipërinë në rrugën e Lirisë dhe të Demokracisë.
Unë besoj shumë në shpirtin energjik të të rinjve të Shqipërisë për të marrë në dorë fatet e tyre dhe të mbarë vendit, sot më shumë se kurrë, kur pluralizmi politik, liria dhe demokracia janë nën agresionin e një regjimi të dhunshëm.
Kjo është rruga për të ndaluar shpopullimin dhe garantuar një Shqipëri që u përket të rinjve.
