PPE, tjetër rezolutë për Shqipërinë! Bylykbashi: Shprehet shqetësim i thellë për arrestimet politike të liderëve të opozitës
Nga OraNews Përditësimi i fundit 22 Nëntor 2024, 13:43
Asambleja Politike e Partive Popullore Europiane ka miratuar një rezolutë për Shqipërinë në të cilën shpreh shqetësim pas standardeve të OSBE-së.
Gjendja e integritetit institucional reflektohet në korrupsion endemik dhe mungesë të zgjedhjeve të lira dhe të ndershme sipas standardeve të OSBE-së
Nënkryetari i PD-së, Oerd Bylykbashi i ndodhur në Maltë ku po zhvillon takim Asambleja e Partive Popullore Europiane (PPE) bën të ditur se, për herë të parë dënohet arrestimi i liderëve opozitarë.
Reagimi i Oerd Bylykbashit:
Asambleja Politike e Partisë Popullore Europiane (EPP) ka miratuar një rezolutë të fuqishme lidhur me situatën aktuale në Shqipëri, e cila pasqyron shqetësime serioze mbi integritetin institucional të vendit. EPP, ndër të tjera, shpreh brengën për korrupsionin endemik dhe për mungesën e zgjedhjeve të lira dhe të ndershme.
Partia shpreh gjithashtu shqetësim të thellë për arrestimet dhe kufizimet e motivuara politikisht të liderëve të opozitës, si dhe për ngushtimin e hapësirës për opozitën brenda parlamentit, duke i minuar mundësitë e saj për të mbajtur një rol kontrollues dhe për përkeqësimin e standardeve zgjedhore.
Një tjetër shqetësim i EPP është lidhja e thellë e elitës politike dhe institucioneve ligjzbatuese me krimin e organizuar, që dëmton rëndë shtetin e së drejtës dhe integritetin e institucioneve shtetërore.
Duke vlerësuar rolin e Partisë Demokratike në përpjekjet për integrimin e Shqipërisë në Bashkimin Europian, EPP ka njoftuar se do të monitorojë nga afër zhvillimet politike dhe institucionale në vend.
Dokumenta bashkëngjitur
