Shkodër/ Qytetari telefonon policinë: Qëlluan me armë drejt automjetit tim
Nga OraNews Përditësimi i fundit 19 Nëntor 2024, 08:33
Të shtëna me armë zjarri raportohen të jenë shënuar mbrëmjen e së hënës në Shkodër.
Ka qenë një qytetar që ka telefonuar policinë, duke thënë se në vendin e quajtur Stom Golem, Shkodër, ka dëgjuar të shtëna me armë zjarri i cili dyshon se është qëlluar në drejtim të automjetit në pronësi të tij.
Sipas policisë, nuk ka dëme materiale në automjet.
Sakaq, grupi hetimor po punon për zbardhjen e rrethanave dhe dokumentimin ligjor të rastit.
Njoftimi i policisë:
Shkodër/Informacion paraprak
Mbrëmjen e djeshme, shtetasi S.K, ka telefonuar në Sallën Operative se në vendin e quajtur Stom Golem, Shkodër, ka dëgjuar të shtëna me armë zjarri i cili dyshon se është qëlluar në drejtim të automjetit në pronësi të tij.
(Pa shkaktuar dëme materiale në automjet).
Grupi hetimor nën drejtimin e Prokurorisë po punon për zbardhjen e rrethanave dhe dokumentimin ligjor të rastit.
