Kartela/ Zmadhimi i aortës dhe problemet me diabetin, ish-kryebashkiaku Safet Gjici në gjendje jo të mirë shëndetësore
Nga OraNews Përditësimi i fundit 12 Nëntor 2024, 14:09
Zbardhet kartela shëndetësore e ish-kryebashkiakut socialist të Kukësit, Safet Gjici, i cili po vuan dënimin në burg.
Gjykata vendosi ditën e djeshme thirrjen e ekspertëve mjeko ligjorë që do të verifikojnë gjendjen shëndetësore të ish-kryebashkiakut Safet Gjicit.
Sipas avokatit, Gjici vuan nga probleme të sistemit kardiovaskular, zmadhim të aortës dhe diabet të formës së rënduar. Avokati Jançe shprehet se këto problematika Gjici i ka vuajtur edhe më herët, por gjendja e rënduar psikologjike në burg ka rënduar edhe gjendjen e tij shëndetësore.
Seanca e radhës ku ekspertët mjekoligjorë do të paraqiten në gjykatë për të marrë udhëzimet është data 14 nëntor 11:45./ TCh
