Dhunuan efektivin e Bashkiakes, Policia i arrestoi, Prokuroria e Vlorës urdhëron lirimin e babë e bir
Nga OraNews Përditësimi i fundit 10 Tetor 2024, 10:35
Bruno Jazaj, punonjës i policisë bashkiake në Vlorë u dhunua barbarisht një ditë më parë. Prej plagëve të rënda që mori nga goditjet ai përfundoi në pavionin e kirurgjisë të spitalit të Vlorës.
Në reagimin e parë për mediat, Jazaj ka rrëfyer se ishin dy persona, babë e bir ata që e dhunuan. Ai thotë se autorët e kishin akuzuar për gjobat ndaj makinave.
Pas ndalimit nga policia, mësohet se dy dhunuesit janë lënë të lirë me urdhër të prokurorit të Vlorës.
Mbeten të paqarta rrethanat dhe arsyet e lirimit të Kristi dhe Todi Sota, edhe pse i dhunuari prej tyre ndodhet në spital dhe po merr trajtim mjekësor për lëndimet e shkaktuara nga goditjet. /News24
