Humbi kontrollin e motomjetit dhe doli nga rruga, përfundon në spital 72-vjeçari në Shkodër
Nga OraNews Përditësimi i fundit 4 Gusht 2024, 12:58
Një aksident ka ndodhur mesditën e sotme në aksin “Velipojë-Rrjoll”. Mësohet se 72-vjeçari K.M ka humbur drejtimin e motomjetit dhe ka dalë nga rruga.
Për pasojë 72-vjeçari është dëmtuar dhe është dërguar në spital për mjekim ku ndodhet jashtë rrezikut për jetën.
Njoftimi i policisë:
Rreth orës 11:35, në aksin rrugor “Velipojë-Rrjoll”, shtetasi K. M., 72 vjeç, ka humbur kontrollin mbi drejtimin e motomjetit dhe për pasojë motomjeti ka dalë nga rruga.
Si pasojë, është dëmtuar 72-vjeçari i cili ndodhet nën kujdesin e mjekëve.
Grupi hetimor po punon për sqarimin e plotë të rrethanave dhe shkakut të aksidentit.
