Spiropali dhe Konjufca takohen në Tiranë: Shqipëria do të lobojë fort për rritjen rolit ndërkombëtar të Kosovës

Nga OraNews Përditësimi i fundit 2 Gusht 2024, 15:42

Kryetarja e Kuvendit, Elisa Spiropali, zhvilloi sot një takim të ngrohtë dhe miqësor me Kryetarin e Kuvendit të Kosovës, Glauk Konjufca, në Kryesinë e Kuvendit.

“Jam e lumtur që vizitën e parë miqësore në zyrë pas marrjes së detyrës së Kryetares së Kuvendit, e pata nga Kryetari i Kuvendit të Kosovës, z. Glauk Konjufca.

Kuvendi i Shqipërisë dhe Kuvendi i Kosovës kanë ndërtuar një bashkëpunim vëllazëror të shkëlqyer, jo thjesht protokollar, por funksional dhe praktik, mes kryetarëve, komisioneve parlamentare, grupeve parlamentare dhe deputetëve”, u shpreh Spiropali.

Spiropali dhe Konjufca takohen në Tiranë: Shqipëria do të

Më tej, ajo theksoi se Memorandumi i Bashkëpunimit, nënshkruar në shtator 2022, krijoi një kuadër të përbashkët për bashkëpunimin parlamentar, i cili u pasua nga mbledhja e përbashkët e dy Kuvendeve, me rastin e 110-vjetorit të pavarësisë, më 27 nëntor 2022.

“Të dy Kuvendet tona do të vijojnë të bashkëpunojnë për proceset integruese në BE, mbështetjen e pranimit të Kosovës në NATO, Këshillin e Europës dhe përfaqësimin në organizatat ndërkombëtare.

Delegacionet e Kuvendit të Shqipërisë në organizatat parlamentare ndërkombëtare po lobojnë fort për rritjen e përfaqësimit, njohjeve dhe rolit ndërkombëtar të Kosovës.

Vizitën e parë si Kryetare e Kuvendit të Shqipërisë padyshim do ta mbaj në Kosovë”, u shpreh Elisa Spiropali.