Plagosi me mjet prerës të riun, vihet në pranga 69-vjeçari në Malësinë e Madhe
Nga OraNews Përditësimi i fundit 15 Korrik 2024, 10:09
Një 69-vjeçar është arrestuar në Malësi të Madhe, pasi plagosi me mjet prerës një 29-vjeçar.
Ngjarja ndodhi mbrëmjen e së dielës në në fshatin Vukpalaj.
Pas një konflikti të çastit për motive të dobëta, 69-vjeçari ka plagosur të riun.
Njoftimi i policisë:
Malësi e Madhe
Plagosi me mjet prerës (kmesë), një shtetas, për motive të dobëta, kapet dhe vihet në pranga 69-vjeçari.
Shërbimet e Komisariatit të Policisë Malësi e Madhe, menjëherë pas marrjes së njoftimit mbrëmjen e djeshme, se ishte plagosur me mjet prerës, një shtetas, kanë organizuar punën për kapjen e autorit dhe sqarimin e rrethanave të rastit.
Si rezultat i kërkimeve, u bë e mundur kapja dhe arrestimi në flagrancë i autorit të dyshuar, shtetasit:
Gj. P., 69 vjeç, banues në fshatin Vukpalaj.
Ky shtetas dyshohet se më datë 14.07.2024, rreth orës 21:30, në fshatin Vukpalaj, pas një konflikti të çastit, për motive të dobëta, ka goditur me mjet prerës (kmesë), shtetasin A. P., 29 vjeç, banues në fshatin Vukpalaj, i cili është jashtë rrezikut për jetën.
Mjeti prerës (kmesë) u sekuestrua në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
