Formula 1/ Në Kanada dominon Vertstappen, Ferrari katastrofë
Nga OraNews Përditësimi i fundit 10 Qershor 2024, 08:43
Max Verstappen fitoi Çmimin e Madh të Kanadasë në Formula 1.
Holandezi, tri herë kampion bote, la pas Lando Norris (Mc Laren) dhe George Russell (Mercedes), të cilët përfunduan podiumin.
Në një nga garat më emocionuese të kohëve të fundit, e cila kishte dy situata me makinë sigurie (në pistë të lagur dhe të thatë) dhe disa liderë në cirkuitin Gilles Villeneuve, piloti i Red Bullit e kaloi vijën e finishit tri sekonda para mikut të tij anglez.
Një pasdite katastrofike për Ferrarin, me skuderinë italiane që pa të tërhiqeshin Charles Leclerc, fitues dy javë më parë në Monako, dhe Carlos Sainz, por edhe për meksikanin Sérgio Pérez, i cili gjithashtu braktisi garën vetëm pak ditë pasi rinovoi kontratën me Red Bullin.
56 pikë është tani epërsia e Max Verstappen në Kampionatin Botëror të Pilotëve ndaj Charles Leclerc.
