20 qytete në mbikëqyrjen e kamerave. Baka: Rrugët ku s’do ketë policë, do pajisen dhe monitorohen me kamera

Nga Sonila Musai Përditësimi i fundit 8 Qershor 2024, 15:46

Gjithçka çfarë ndodh në terren 24 orë në ditë shumë shpejt do të monitorohet me kamera...

Me një rezolucion të lartë do të ofrojnë pamje të qarta, duke identifikuar lëvizjet e makinave dhe të qytetarëve.

Specialisti i qarkullimit rrugor Gerhard Baka thotë se këto pajisje përveç sigurisë, do të ndihmojnë edhe në menaxhimin e trafikut.

Gerhard Baka: “Do të vendosen në funksion edhe të sigurisë rrugore krahas sigurisë së rendit dhe qetësisë publike. Kjo sepse, do të na ndihmojë të bëjë të mundur evidentimin e shpejtë të shkeljeve rrugore, siç mund të jenë shkelje të cilat janë të pamundura për t’i mbuluar me anë të shërbimeve të qarkullimit rrugor.

Dhe kjo do të na e lehtësojë punën dhe të evidentojmë shkeljet dhe të marrim masa jo vetëm për rastet kur janë shkelje flagrante kur ndodhet punonjësi i policisë duke ushtruar detyrën e tij.

Por edhe në rastet kur nuk është një punonjës policie nëpërmjet kamerave do të bëhet i mundur evidentimi i kundravajtësve, të cilët kryejnë kundravajtje rrugore”.

Baka thotë se zonat e vendosjes do të përzgjidhen në bazë të një harte të mirë menduar.

Gerhard Baka: “Zonat që do të mbulohen më së shumti do të jenë zonat hyrëse-dalëse të kryeqytetit, bulevardet kryesore, si dhe zonat periferike që është e pamundur të mbulohen me shërbime të Policisë Rrugore”.  

Janë 20 qytete që do të jenë nën këtë mbikëqyrje, ndërsa monitorimi 24 orë synon edhe uljen e kriminalitetit dhe zbulimin e autorëve.

20 QYTETET QË DO TË JENË NË MBIKËQYRJE

Tirana

Durrësi

Kamza

Kavaja

Kruja

Laç

Lezhë

Rrëshen

Shkodër

Elbasan

Pogradec

Korçë

Lushnje

Fier

Berat

Vlorë

Sarandë

Gjirokastër

Peshkopi

Kukës