Ramës nuk i del e keqja me RAI3: Nuk ekzistojnë klanet kriminale këtu sikur thotë media italiane
Nga OraNews Përditësimi i fundit 5 Qershor 2024, 13:35
Nga konferenca me kryeministren italiane Georgia Meloni, kryeministri Rama tha se vendi ynë nuk është një vend i mbushur me trafik qeniesh njerëzore dhe krim, duke iu referuar reportazhit të RAI3.
Rama tha se ata e cilësuan Shqipërinë si një vend ku mbizotëron mafia, por që sipas tij sikurse edhe Prokuroria e Posaçme e ka pohuar, nuk ekziston aspak një fakt i tillë.
Rama: Po flas italisht, sepse sido të jetë këtu jemi në një territor italian. Më lejoni të shpreh kënaqësinë që t’ju shoh të gjithëve shëndoshë e mirë, që sipas një gazete italiane që merret me të nesërmen, thelbi i kriminalitetit shqiptar është vendi ku veprojnë klanet që lidhet me trafikun e qenieve njerëzore.
E kemi marrë shumë seriozisht këtë shqetësim dhe meqë gazeta thoshte që dhe prokuroria po merret për zbulimin e këtyre krimeve, do të thotë që po merremi bashkë me prokurorinë dhe SPAK na siguroi që ky grup nuk ekziston as këtu dhe as në vende të tjera. Sigurisht që veprojnë grupe, por nuk ekzistojnë premisat për të folur për një mafie shqiptare që përdoret për të hedhur baltë.
Grupet kriminele shqiptare nuk ngjasojnë me ato që thonë në Itali, grupet shqiptare nuk kanë një hierarki dhe veprojnë në rrethe të ngushta familjare dhe shoqërore. E shfrytëzoj këtë rast për të shprehur trishtimin për gjysmë të vërtetat në mediat italiane, me qëllim për të hedhur baltë mbi këtë vend, për të sulmuar marrëveshjen e bashkëpunimit kundër emigracionit të paligjshëm. Të kenë turp ata që të drejtën demokratike për t’u informuar mbi këtë marrëveshje, e kanë abuzuar.
Falënderoj ata që kanë treguar sol e tyre ndaj nesh. Kam marrë mesazhe të shumta nga miqtë në Itali, kundrejt atij lumi balte të shpërthyer ndaj Shqipërisë dhe qeverisë, që mund të ketë mbi vete gjithë mëkatet, por s’mund të mbajë mëkatin që të kthejë kurrizin kur kërkohet ndihmë.
Kemi këtu prej 2 vite e gjysmë një komunitet afganësh, njerëz që i janë larguar vdekjes pas rënies së Kabulit dhe janë mikpritur, kur asnjë nga vendet e BE-së nuk pranoi t’i strehonte. Çdo të premte mbërrin një avion me 90-120 persona që qëndrojnë këtu 3-6 muaj për t’u transferuar më pas. Ata që nuk kalojnë filtrat, do të mbeten të strehuar prej nesh. Dhe nuk do të kërkojmë para, as nga NATO as nga BE. Edhe pse s’janë pak para për arkën tonë. Por, si të shpjegojmë faktin që disa gazetarë vijnë këtu dhe nuk i shohin ata. Nuk shohin emigrantët që i janë vjedhur vdekjes, por shohin fantazma.
