Greqi, takim i ri Sturnaras-Trojka
Nga OraNews Përditësimi i fundit 5 Tetor 2012, 12:00
Ministri i Financave të Greqisë Jani Sturnaras është takuar sot me krerët e Trojkës. Qeveria greke kërkon që të ketë takime të përditshme, të paktën deri në mbledhjen e Eurogrupit.Qëllimi është që të mbyllet një “vrimë” prej më shumë se 2.5 miliardë euro për vitin 2013 e paketës së përgjithshme 13,9miliard euro. Troika vazhdon të këmbëngulë për shkurtime të tjera në pagat, pensionet dhe përfitimet si dhe ndonjë shkurtim shtesë në pensionet e OGA-së.Ndërkohë, krerët e Trojkës thuhet se kërkojnë zgjidhjen e shpejtë të rasteve, nga Memorandumi, si hapjen e të ashtuquajturave profesione të mbyllura, liberalizimin e plotë të tregjeve dhe reduktimin drastik të sektorit publik nëpërmjet bashkimit dhe shkrirjes së organizatave por edhe me shkurtime të vendeve të punës.
