PAMJET/ Policia thotë se këta 3 të rinj tentuan sot vjedhjen e një banke në Tiranë: 5 mijë euro kush jep informacion për ta
Nga OraNews Përditësimi i fundit 6 Janar 2024, 14:26
Policia e Tiranës thotë se: Ditën e sotme, më datë 06.01.2024, jemi njoftuar për një vjedhje, të mbetur në tentativë, gjatë orëve të para të mëngjesit, në zonën e shërbimit 24/7 të klientëve, në një institucion financiar në kryeqytet.
Nga veprimet e para hetimore të kryera në vendngjarje, janë sekuestruar pamjet filmike me fotot e autorëve të dyshuar.
DVP Tiranë fton qytetarët që të japin informacion për autorët e kësaj ngjarjeje dhe vendos shpërblim 5000 euro, për çdo informacion të vlefshëm që do të çojë në kapjen e autorëve.
Drejtoria Vendore e Policisë Tiranë vendos në dispozicion të qytetarëve, numrat e telefonit +355 69 41 55 554, dhe +355 69 41 12 208 duke garantuar anonimatin e plotë të çdo telefonuesi.
Bëhet fjalë për degën e Raiffasen Bank, tek kryqëzimi i Rrugës Bardhyl, dhe Rrugës “Hoxha Tasin”.
