Moti i keq, Drejtoria Detare: Anulohet nisja e tragetit GNV Blu drejt Italisë
Nga OraNews Përditësimi i fundit 5 Janar 2024, 22:15
Drejtoria e Përgjithshme Detare informoi sot se kompania Grandi Navi Veloci do të anulojë nisjen e tragetit GNV Blu në datën 6 janar si pasojë e motit të keq.
Sipas DPD-së, kompania Adria Ferries njofton se nisjet e planifikuara në datat 6 dhe 7 janar ora 13:00 do të spostohen në orën 23:00.
“Të gjithë pasagjerët të kontaktojnë kompanitë respektive për marrjen e informacioneve të mëtejshme”, tha DPD.
Ndërkohë linjat e tjera Durrës-Bari-Durrës, Durrës-Ankona-Durrës, Vlorë-Brindisi -Vlorë dhe Sarandë-Korfuz-Sarandë do të vazhdojnë normalisht.
