Krimi i rëndë/ Ish-këshilltari i Pacollit arrestohet si i dyshuar për vrasjen e gruas së tij

Nga OraNews Përditësimi i fundit 1 Dhjetor 2023, 17:24

Krimi i rëndë/ Ish-këshilltari i Pacollit arrestohet si i dyshuar

Policia e Kosovës informon se ka arrestuar dy persona lidhur me vrasjen e Liridona Murselit, bashkëshortes së ish këshilltarit të Behgjet Pacollit, ngjarje e ndodhur mbrëmjen e 29 nëntorit 2023.

Në informacionin e saj polici nuk jep detaje mbi personat e arrestuar por mediat ne Kosove bëjnë të ditur se njëri prej të arrestuarve është Naim Murseli.

Policia e Kosovës informon se janë bastisur edhe dy lokacione në Gjakovë.

Policia u informua për vrasjen e ndodhur në rrugën "Dalip Alshiqi" në Prishtinë, në orën 20:20 minuta të 29 nëntorit.

Nga dëshmia e Naim Murselit dy grabitës kishin dalë përpara për ti grabitur. Nuk dihen shumë detaje se çfarë ka ndodhur në të vërtetë atë natë ndërsa hidhen dyshime dhe se mund të mos jetë vepër e grabitësve por mund të jetë krim i mirëorganizuar apo marrëdhënia familjare.

Njoftimi i policisë

Grabitje me pasjoja të vrasjes

Me datën 29.11.2023, rreth orës 20:20, kemi pranuar informatën për të shtëna me armë në rrugën "Dalip Alshiqi" në Prishtinë.

Policia si dhe mjekët emergjent, menjëherë kanë dalë në vendin e ngjarjes, ku në një veturë kanë hasë një person pa shenja jete. Vdekjen e viktimës (femër) e ka konstatuar ekipi mjekësor në vendin e ngjarjes.

Mbështetur në informacionet e para, dyshohet se bëhet fjalë për vrasje me armë zjarri.

Policia në koordinim me prokurorinë, ka nisur hetim dhe ndërmarrjen e të gjitha veprimeve hetimore dhe të ekzaminimit, që do të ndihmonin hetimin e ngjarjes si dhe sqarimin e plotë të rastit.

-INFORMACION SHTESË

Pas përfundimit të ekzaminimit të vendit të ngjarjes, janë ndërmarrë veprimeve intensive hetimore të cilat kanë rezultuar në arrestimin e dy personave të dyshuar lidhur me rastin e sipër shënuar.

Njësiti i hetimeve të përgjithshme të Prishtinës në koordinim me Prokurorinë është duke e vazhduar operacionin e bastisjes në dy lokacione në Gjakovë.