E gjitha për vëmendje? "Zbulohen" detaje të reja për çiftin Sara-Ledri
Nga OraNews Përditësimi i fundit 11 Nëntor 2023, 14:39
Prej ditësh, ndarja e shumëpërfolur e çiftit të njohur të shoëbizzit, Ledri Vulës me Sara Hoxhën, është lajm kryesor i medieve rozë.
Por a është lajm i vërtetë?
Këngëtari është rikthyer përsëri nën menaxhimin e Faton Shoshit, një prej menaxherëve më të suksesshëm në Kosovë.
Sipas Kryefjala.com lajmet për ndarjen e çiftit janë vepër e tij. Madje disa ditë më parë ishte vetë Shoshi ai që i konfirmoi zërat për ndarjen e tyre dhe si ideatorë i kësaj ideje gjithçka shkoi ashtu siç e kishte menduar.
Mesa duket çifti ka rënë dakord për tu bërë pjesë e këtyre lajmeve, pasi lajme të tilla janë të njohura edhe nga personazhe të tjerë të showbizit botëror si Richard Gere me Cindy Craëford apo edhe Belen Rodriguez me Stefano De Martino.
Dhe ishte pikërisht Shoshi që konfirmoi ndarjen në "Prive" , duke lënë të kuptohet se e vetmja gjë që i mban bashkë tashmë ishte vajza e tyre Poem.
