VIDEO/ Nuk iu dha një penallti, Iago Aspas plas në tokë monitorin e VAR

Nga OraNews Përditësimi i fundit 5 Nëntor 2023, 20:18

Iago Aspas nuk përmbahet dhe në ndeshjen mes Celta Vigos dhe Sevilla iu drejtua monitorit të VAR duke e përplasur atë në tokë.

Në kohën shtesë të pjesës së dytë pati një episod ku lojtarët e Celtas kërkuan penallti.

Arbitri akordoi 11-metërsh, por pas ndërhyrjes së VAR, u afrua te monitori dhe anuloi vendimin e tij të parë.

Aspas që ishte në stol nuk i mbajti nervat dhe u afrua tek monitori duke e përplasur atë në tokë.

Një video që tashmë është shpërndarë kudo dhe po bën xhiron në rrjetet sociale.