S'kishte si të mungonte, ish-i përgëzon Britney Spears për librin me kujtime
Nga OraNews Përditësimi i fundit 28 Tetor 2023, 14:56
Edhe pse të ndarë, Sam Asghari ka përgëzuar ish-bashkëshorten e tij, Britney Spears, për publikimin e librit me kujtime "The ëoman In Me".
"Kjo më bëri të buzëqesh, për të qenë i sinqertë. Jam jashtëzakonisht krenar për të dhe shpresoj që ajo ta pushtojë botën," u tha Asghari gazetarëve të mërkurën pasdite.
Këngëtarja 41-vjeçare përfundoi kujtimet e saj në librin e shumëpërfolur, përpara se Asghari të niste procedurat për divorc, në gusht, pas 14 muajsh martesë dhe libri nuk u redaktua, për të përfshirë prishjen e marrëdhënies së tyre.
Burimet për Page Six thanë se ylli i popit "u dha shenjën e fundit" botuesve dy javë përpara se të ndahej me ish-modelin e fitnesit.
Këngëtarja ka shkruar edhe për Asgharin në libër: "E vlerësoj sa i qëndrueshëm është. Më pëlqen që ai as nuk pi".
Ajo kujtoi kur u takuan në tetor 2016 në xhirimet e videoklipit të saj për këngën "Slumber Party" dhe ajo ra në çast në dashuri me iranianin.
