Sqaron Garo: Lajm i rremë sekuestrimi i vilës së Berishës në Gjirin e Lalzit, ka vetëm apartament në Tiranë
Nga OraNews Përditësimi i fundit 23 Tetor 2023, 17:28
Përmes një deklarate, Floriana Garo shkruan në Facebook se Top Channel nën diktatin e Ramës, disinformon opinionin duke njoftuar sekuestrimin e një vile të ish kryeministrit Berisha në gjirin e Lalzit.
Ajo sqaron se Berisha nuk disponon asnjë pasuri të paluajtshme në gjirin e Lalzit apo askund tjetër përveç apartamentit të tij në Tiranë
Garo: Top Channel ose siç njihet ndryshe Top Inceneratori për shkak të miliona eurove financime që Zoto dhe Mërtiri i kanë bërë kësaj mediaje dhe pronares së saj, nën diktatin e Ramës dhe mafies së plehrave, disinformon opinionin duke njoftuar sekuestrimin e një vile të ish kryeministrit Berisha në gjirin e Lalzit.
Bëjmë me dije se ky është një trillim dhe se z. Berisha nuk disponon asnjë pasuri të paluajtshme në gjirin e Lalzit apo askund tjetër përveç apartamentit të tij në Tiranë! Lajmi përbën një shpifje amorale qëllimi i të cilës është mashtrimi i opinionit publik për llogari të Ramës dhe ortakëve mafiozë të pronares së kësaj mediaje!
