Kukësi rikthehet te fitorja me Laçin, Teuta përmbyt "nëndetsen" pas dy golave në disavantazh ndaj Dinamos
Nga OraNews Përditësimi i fundit 22 Tetor 2023, 19:01
Kukësi rikthehet te fitorja në kampionat dhe atë e bën në sfidën ndaj Laçit, të cilën e fitoi me rezultatin 1-0 në javën e nëntë të Kategorisë Superiore.
“Verilindorët” rikthehen te fitorja, pasi një javë më parë u mundën nga Partizani, ndërsa “kurbinasit” nga ana tjetër pësojnë disfatë, pas dy fitoreve radhazi.
Pas një harkimi nga Salami, Abdou realizoi me kokë në minutën e 64’ dhe realizoi golin e vetëm të këtij takimi.
Në fund gjithçka u mbyll me rezultatin 1-0, me Kukësin që ngjitet në vend të tetë me dhjetë pikë, teksa Laçi renditet në vend të tretë me 13-të pikë.
E papritura ka ndodhur në "Elbasan Arena" ku Dinamo ka humbur përballë Teutës me bregdetarët që u gjendën në disavantazhin e dy golave por morën forcë dhe arritën fitoren me rezultatin 3 me 2.
