Quentin Tarantino fotografohet duke buzëqeshur me ushtarët izraelitë në një bazë ajrore

Nga OraNews Përditësimi i fundit 14 Tetor 2023, 11:00

Burra dhe gra të një baze ajrore në Izrael u vizituan nga Quentin Tarantino, i cili madje pozoi me ta duke buzëqeshur.

Gazeta turke Haber, ka publikuar një foto të regjisorit të famshëm, i cili ka qëndruar me ushtarë dhe ushtare në një bazë ushtarake.

Ndonëse sa më sipër është bërë virale orët e fundit në Twitter, një tjetër foto e vizitës së tij atje, në bazën ajrore izraelite, është publikuar, këtë herë vetëm me femra.

Faqja e Luftës në Izrael thotë se Tarantino shkoi atje “për të rritur moralin e ushtarëve”.

Quentin Tarantino dihet se ka zgjedhur Tel Avivin si vendbanimin e tij të përhershëm vitet e fundit. Megjithatë, ai nuk ka bërë asnjë postim përkatës në rrjetet sociale që nga dita kur shpërtheu lufta në Izrael.