“Sekti i agjërimit” në Kenia, zbulohen 214 dhoma torture: Do të shihni Jezusin në Parajsë!
Nga OraNews Përditësimi i fundit 5 Tetor 2023, 17:30
Hetimet në të ashtuquajturin "sekt të agjërimit " në Kenia kanë çuar në zbulimin e 214 dhomave të torturës.
Disa nga viktimat e kultit të krijuar nga predikuesi i diskutueshëm Paul Mackenzie me sa duket u detyruan të agjëronin "që të mund ta shihnin Jezusin në parajsë" dhe iu nënshtruan dhunës edhe fatale.
Trupat e zhvarrosur nga varret masive në pyllin Shakahola, në brendësi të Malindit, ishin të paktën 450.
Detajet e zbulimit janë bërë të ditura nga gazeta “The Standard”. Një nga hetuesit e qeverisë keniane i tha gazetës se ndjekësit e Mackenzie u detyruan të lëviznin nga shtëpitë e tyre dhe në pyll për të agjëruar në zona të caktuara, të konsideruara si dhoma torture.
“Është e qartë se ata janë detyruar të agjërojnë dhe janë urdhëruar që të mos e prishin agjërimin dhe të mos zbulohen nga të huajt”, tha hetuesi.
Në dhomat e supozuara të torturës, policia tha se gjeti copa rrobash dhe litari së bashku me instrumente të tjera të cilat i përshkruan si "objekte të shëmtuara".
