Mbështetja për AfD-në mund të trondisë politikën gjermane

Nga OraNews Përditësimi i fundit 5 Tetor 2023, 14:38

Për muaj të tërë, debati politik në Gjermani është mbizotëruar nga rezultatet e sondazheve që tregojnë mbështetje në rritje për ”Alternativën për Gjermaninë” (AfD) të ekstremit të djathtë dhe vendi do të vëzhgojë nga afër se si do të jenë rezultatet në zgjedhjet e së dielës në landet e Hesses dhe Bavarisë.

Kjo përkundër faktit se AfD do të ketë pak ndikim mbi formën e qeverive të ardhshme në secilin shtet.

Ata nuk udhëheqin në Bavari apo Hesse dhe partitë kryesore kanë një politikë të gjatë të ngrirjes së AfD-së nga negociatat e koalicionit apo bashkëpunimi politik në përgjithësi.

Megjithatë, me sondazhet e AfD në mbi 20% në mbarë vendin, mbështetja e AfD midis votuesve bavarezë dhe hesianë mund të jetë një nga aspektet më domethënëse të zgjedhjeve të së dielës.

Në zgjedhjet e fundit kombëtare të vitit 2021, AfD mori 10,3%.

Sondazhet e fundit tregojnë se mbështetja për AfD është midis 12% dhe 14% në Bavari dhe midis 15% dhe 17% në Hesse.

Këto rezultate e vendosin AfD-në brenda disa pikë përqindjeje për të qenë forca e dytë politike më e madhe në të dy landet duke tejkaluar kështu potencialisht socialdemokratët e kancelarit Olaf Scholz ose partnerin e tij kryesor të koalicionit, të gjelbrit.

Kjo do të shënonte një goditje të madhe për Scholz, tashmë nën presion për shkak të shifrave të ulëta të sondazheve të koalicionit të tij.

Por, do të ishte gjithashtu një goditje për bllokun kryesor të qendrës së djathtë CSU/CSU, kundërpesha tradicionale e socialdemokratëve të Scholzit.

Të tilla fitore në Bavari dhe Hesse, dy nga landet më të begata të Gjermanisë, ku partitë kryesore kanë një histori të gjatë mbështetjeje të fortë, do të ngrinin gjithashtu alarmin në pjesën më të madhe të shoqërisë gjermane.

AfD ka një mbështetje shumë më të fortë në ish-Gjermaninë Lindore komuniste, ku kandidatët e AfD-së shënuan disa fitore të mëdha në zgjedhjet lokale në fillim të këtij viti.

Këto fitore zgjedhore tërhoqën vëmendjen masive të medias, si në Gjermani ashtu edhe jashtë saj.

Vitin e ardhshëm, zgjedhjet janë planifikuar në Turingi, Saksoni dhe Brandenburg, të gjitha lande lindore në të cilat sondazhet e fundit të opinionit e vendosin AfD në mbi 30%, shumë më përpara se çdo parti tjetër.

Disa zgjedhje të tjera gjermane, si dhe zgjedhjet e Parlamentit Evropian, janë planifikuar gjithashtu për vitin 2024.

AfD u themelua nga euroskeptikët një dekadë më parë.

Që atëherë, ajo është bërë më radikale, veçanërisht në pozicionet e saj të ashpra kundër emigracionit.

Degët e partisë AfD në disa lande gjermane, përfshirë Bavarinë, monitorohen nga agjencia e brendshme e shërbimeve sekrete gjermane si grupe të mundshme ekstremiste të krahut të djathtë.