Diell dhe temperatura deri në ... Ja si parashikohet moti për sot në Shqipëri, Kosovë, RMV dhe Evropë

Nga OraNews Përditësimi i fundit 5 Tetor 2023, 07:40

Shërbimi Meteorologjik Ushtarak bëri të ditur se për ditën e enjte vendi ynë do të jetë nën ndikimin e kushteve atmosferike relativisht të paqëndrueshme.

Moti parashikohet me  kthjellime dhe alternime vranësirash kalimtare në mesditë dhe pasdite. Reshje shiu në orët e mesditës me intensitet të ulët përgjatë relieveve malore në verilindje dhe juglindje të vendit. Mjegullina do të jetë prezente përgjatë luginave.           

Era do të fryjë me drejtim juglindje-veriperendim   me shpejtësi mesatare 1-7 m/sek.Valëzimi në dete të do të jetë i forcës 1 ballë.

Temperaturat parashikohen:

Diell dhe temperatura deri në ... Ja si parashikohet moti për sot

Kosova

Orët e paradites, në Republikën e Kosovës do të jenë në ndikimin e motit të kthjellët në pjesën më të madhe të territorit, por pasditja do të sjellë kalim të vranësirave, kryesisht në zonat Veri-Veriperëndimore duke rrezikuar momente me pika shiu; situatë e cila do të vijojë deri vonë në mbrëmje ku vranësirat do të largohen nga i gjithë territori i Kosovës.

Temperaturat e ajrit do të pësojnë rritje të lehtë në mëngjes, por ulen në mesditë duke luhatur vlerat ditore nga 8°C deri në 26°C.

Era do te fryjë e lehtë gjatë paradites, por forcohet pasdite duke arritur shpejtesinë maksimale mbi 40 km/h nga drejtimi permanent Verilindor.

Maqedonia e Veriut

Republika e Maqedonise në pjesën më të madhe të territorit paraqitet në ndikimin e kushteve të qëndrueshme atmosferike; kjo do të bëjë që orët e paradites të dominohen nga moti i kthjellët dhe vranësira të lehta, por pasditja do të sjellë grumbullim të vranësirave ku më të theksuara vranësirat do të jenë në zonat veriroe dhe qëndrore, por mundësia për reshje është thuasje zero.

Parashikohet që të njejta kushte meteorologjike të na shoqërojnë edhe gjatë natës. Temperaturat e ajrit do të pësojnë rritje të lehtë në mëngjes, por ulen në mesditë duke luhatur vlerat ditore nga 9°C deri në 28°C.

Era do te fryjë e lehtë dhe mesatare me shpejtesi mbi 35 km/h nga drejtimi kryesisht Verior dhe Veriperëndimor.

Europa

Europa Veriore dhe ajo Lindore do të paraqiten nën mbziotërimin e vranësirave të shumta dhe reshjeve të dendura të shiut; si pasojë e zhvillimit të një qendre të fuqishme ciklonare mbi këto rajone.

Po ashtu, ishujt Britanikë do të mbeten nën dominimin e vranësirave dhe rrebesheve të shiut duke krijuar probleme në disa rajone ndërsa pothuasje e gjithë pjesa tjetër e kontinentit Europian paraqitet nën ndikimin e motit të kthjellët dhe temperaturave të larta; kryesisht gadishulli Iberik dhe gadishulli i Ballkanit; si pasojë e aktivizimit të Anticiklonit të Afrikës.